開心

我發覺每次唔開心時，有幾樣野會令我happy番既。
(1) 見／聽到俊熹把聲同個樣。
(2) 見／聽到標叔叔把聲同個樣。
(3) 整野食，不論成功與否。

牙痛慘過大病之後，攬完呀仔同老公後，就入廚房開工。
整左Ｅ兩樣野：
合桃酥同豬肉干

智慧牙！

都唔知乜解，近排硬係一到周末就病，星期五晚發覺牙肉腫腫地，feel到應該係太夜訓熱氣，以經即刻又鹽水long口，又食定感冒藥，星期六成個上午都周身骨痛，右邊面智慧牙果度重腫起來，好似比人打腫左咁，大細面，又痛又食唔到野，飲水都痛，講野又痛，又喉嚨痛、又發燒，睇完醫生打左針都重好痛，醫生話隻智慧牙打橫生，生唔出，Ｄ牙肉發炎，細菌入左喉嚨，所以喉嚨發炎再引至發燒，好番後要快Ｄ脫左隻智慧牙，唔係實有幾會又痛過。

果晚等俊熹訓左後，真係忍唔住，攬住老公係咁喊，係咁喊，又係咁痛，又喊又痛，又痛又喊。

喊係因為真係好辛苦，另外係好驚睇牙醫，其實之前洗牙，牙醫都話過要脫，不過話如果唔發炎既話，迫切性都唔大，但如果發炎就.......，家下即係一定要脫啦.......，好驚呀！