我做flower囉！

明日俊熹學校舉行遊藝表演，呢個星期問極都唔肯講我知佢扮乜，但通告就話要著淺色便服同淺色布鞋，咁噚晚見佢係咁做一Ｄ動作，又唱左首新歌，於是再問下啦，佢終於肯講啦！
俊熹：『我做flower囉！ 媽媽你都唔知架，我都講左比你知啦，乜你都唔記得既！』
我：『.............你幾時講呀！』
俊熹：『我頭先咪講左比你知囉！』
我：『.............！！！ 』 (*_*)"
聽日請左半日假，同標叔叔都會去睇，唔知呀仔變左朵花係點樣呢！ 好期待！

回復正常

上星期老爺奶奶番鄉下，俊熹同婆婆都留在自家，除左俊熹病果兩日外，晚晚放工一開門，就聽到俊熹把聲，我沖涼時，又話要一齊沖，食完飯又要一同睇圖書，我查night cream又話佢都要靚靚，又要查，訓覺又要我坐係床邊部佢訓，朝早又係咁bye bye......bye see you tonight.......，總之就唔比你得閒，無時停，好不熱鬧。

不過隨著老爺奶奶番黎，今晚又回復正常啦，真係唔捨得。

好！ 一於今晚係奶奶處賴死唔走至得。