暑期班

暑假好快到啦！ 個半月留留長，都要搵Ｄ 野比俊熹學下，咪日日係屋企實悶死。

早兩星期以開始睇下有咩暑期班岩，唔睇由自可，一睇.....嘩！原來都唔平喎，睇左好多，終於睇岩港青YMCA既英語funland，番星期二、四，連續五個星期，每堂兩個鐘，誰知想報名都好困難，打電話去問，唔係電話錄音就係長響，又唔可以網上報名，親身去又話未公開報名，攪左好耐，都係報唔到。

Ｅ兩日再上網周圍摷下，終於攪掂，搵左一間係Baby-KingdomＤ媽咪推介既，係尖沙咀，一星期兩堂，每堂兩個半鐘（共十堂），頭一個鐘畫圖畫同做勞作，之後一個鐘唱遊同玩下電子琴、搖鈴等小形樂器，今日 lunch 上左 center 參觀同報名，埋單$2000，貴過幼稚園學費。

生日禮物

星期六同大細佬兩公婆幫呀媽預祝生日，禮物同蛋糕當然唔小得，當大家好鬼happy唱生日歌時，大細佬好鬼馬咁同呀媽講：『呀媽！ 我無買野比你呀..........不過你新抱有樣野送比你喎，就係.......你八個月後就做呀麻啦！ happy唔happy呀！』
嘩！ 呀媽即刻笑到呀！ 呀老爺咁岩有工開，如果在場，肯定只係見到Ｄ牙，見唔到對眼潻！
呀媽！ 你等到啦！