Ｄ細路嘈，就由佢嘈......

上禮拜五到噚日我都無返工，因為俊熹由上星期三半夜開始發燒，燒到39度，睇左兩次醫生，斷斷續續咁燒下又停下，次次同佢探熱時無事，但夜晚臨訓又燒過，見到佢謝晒個樣，真係好擔心好肉赤。
不過好彩佢都無扭計，食藥都非常合作，噚晚終於退晒燒無再番發，一天光晒！
Ｄ老人家無講錯，小朋友一靜就實係唔舒服，平時只要俊熹係間屋到，實不停講野，問野，通屋走，無時停，家下間屋咁靜，就.......，
今次仲撞岩老爺奶奶返左鄉下，噚日搵婆婆幫手湊，仲要幫到今個禮拜日，真係佢病咁耐，就擔心咁耐，無覺好訓。

真係要記住，D細路嘈，就由佢嘈，一靜就實出事！