心痛，肉赤!

星期三晚，俊熹食完飯，呀仔話佢手軟腳軟，摸下佢有些發燒，由於不是太嚴重，所以只吃了些看門口的退燒藥，到第二朝就帶佢睇醫生，但到下午俊熹突然發冷、成身震晒，就即刻同佢再睇多次醫生，途中仲嘔了一次，醫生幫佢打針同換了另一些藥，之後都是返返覆覆，一到半夜又燒過，但日間又無事，到星期日晚，食飯期間，再見佢無厘神氣，一摸之下，佢成身發熱，再量體溫38.9度，於是即刻去了漫會，姑娘再量體溫時，以去到40.2度，呀仔又叫好肚痛，於是即刻打止痛針，再塞pat pat退燒，醫生要佢入院觀察，一聽到要入院，我心當堂實晒，上到病房，第一件要做既就係抽血，三個姑娘捉住俊熹，重未聽過呀仔喊得咁大聲，係咁叫好痛、吾好、媽媽，我企係出面聽到，Ｄ眼淚係咁流，老公都有眼紅紅，我真係好肉赤，情願裡面個係我，抽完血番房，俊熹係咁話好掛住屋企、要返屋企，要安慰左好耐，話媽媽會留底倍佢、不會走，佢至無耐接受。

跟住成晚偷望我是否真的留底，直至半夜至訓，我就成晚睇住佢，又摸下佢頭仔，手手、腳腳、睇下有無再燒，全晚都吾敢訓，亦都訓吾著，到第朝醫生睇佢，話驗血報告都正常，應該都是天氣太熱，細菌感染云云，而房內六個小朋友的情況都係咁，佢咁講，就咁聽啦，最緊要驗血報告無問題，再說如果黃昏再睇佢都無再高燒的話，就可以出院。

呀仔好似聽得明咁，話佢會飲好多水，會打敗Ｄ發燒菌，因之前醫生話佢個人好乾，如果吾飲水的話就不能退燒，不退燒就不可出院，咁係呢段期間佢真係飲好多水，到黃昏都無再高燒。

最後九點半出院啦，不過醫生話呢幾日都會有底燒，今日呀仔都真係仍然有小小燒，但個人就生番好多，我成日倍住佢，隔一陣就量體溫，又要佢飲水、又要佢訓下，咁呀仔都好合作，又同我講打針好痛，吾要再去醫院.......。

我而家諗番前晚既情境，Ｄ眼淚又流啦，真係好驚，心痛，肉赤，情願割我忽肉。