觀課

噚日去俊熹學校觀課，即係同佢一齊上堂，幾個家長（六個）化身做一日老師，我知前無同佢講我會同佢一齊上堂，當佢見到我行入課室時個表情初時好突然，跟住就好興奮，仲向同學仔介紹Ｅ個係我陳俊熹媽媽，又問我典解會變左做陳老師。

原來佢上堂係好忙，有分組活動，有國語堂，又角色扮演，而學校今個星期既大課題係診所，俊熹扮左醫生同登記護士。
佢扮醫生時真係好鬼認真，話同學仔，你發燒喎，要食消炎藥同退燒藥，唔好食薯條，會熱氣呀，知唔知呀。
扮登記護士時又要同學仔排隊，唔好嘈，要安靜。
見佢一臉認真，真係愛佢愛到不能自拔。

仲有一樣發現，原來俊熹既社交真係幾好，除左同男同學有計傾外，特別受女同學歡迎，係短短十五分鐘茶點時間，竟然有六個唔同組既女同學圍住佢一齊食野，連其他家長都話好西利，老師就同我講，真係好多女同學中意同俊熹傾計，雖然唔知佢地講既內容，但有晒表情動作，真係好認真架。

我將噚日所見，向標叔叔一一報告，佢就話下次觀課佢都要去，不能得我一個獨享。

總結噚日所見，呀仔Ｅ三年幼稚園生活，應該會係愉快中度過。