有無攪錯

在講有無攪錯原因前，首先容我簡單講解一下公司所在大廈既結構。

本廈樓齡有廿年，雖然有兩條後樓梯，一條在女廁旁，另一條在男廁旁，但只有女廁旁果條可通往後門既逃生門，另一條長期封左，而在天台的逃生門，則要問頂樓的教會或管理處取key至可以開到逃生門，。

入正題，話說今朝去廁所，經過後樓梯，咁岩隔離公司既女仔出黎，無理佢繼續行去廁所，點之在樓梯底，垃圾箱旁，見到有個藍罐曲奇既鐵罐，裡面有支未熄既煙仔，我強調，係崗點著未吸完的，我估個女仔可能漏左野，返公司拎，所以走左去，而係咁既情況下，我即刻踩熄支煙，之後重入廁所拎桶水出黎倒滿個罐，因為咁好容易火燭，但又唔可以一口咬定係果個女子所為，唯有同公司個管家反映，要佢向管理處投訴。

典解Ｄ人咁無手尾，咁無公德心，有乜理由支煙唔整熄佢就走左去，重要旁邊就係垃圾箱，而商廈最多既垃圾就係紙，咁岩我行過姐，如果無人行過，條八婆又唔記得返黎，燒著左典算。