星期一, 5月 22, 2006

生日禮物




星期六同大細佬兩公婆幫呀媽預祝生日，禮物同蛋糕當然唔小得，當大家好鬼happy唱生日歌時，大細佬好鬼馬咁同呀媽講：『呀媽！ 我無買野比你呀..........不過你新抱有樣野送比你喎，就係.......你八個月後就做呀麻啦！ happy唔happy呀！』
嘩！ 呀媽即刻笑到呀！ 呀老爺咁岩有工開，如果在場，肯定只係見到Ｄ牙，見唔到對眼潻！
呀媽！ 你等到啦！
發佈者： 於

13 則留言:

匿名 說...

有時在西環都會撞到亞大細佬架, 亞仔次次都吾肯叫佢架, 吾知點解呢? 真係恭喜佢呀就來做老豆. 都恭喜您就黎做大姑媽.(不過我快過您, 嘻嘻)

11:21 上午
皇后 說...

喂!恭喜兩位大姑媽呀!我就有排
但唔知點解,尋日同七輝行街,見到好多BB波鞋好得意,突然想生多個女...

11:28 上午
匿名 說...

嘩, 亞美人, 都預早恭喜埋您啦, 想就得架啦. 快D啦.

11:36 上午
leung_maggie 說...

king 恭喜傑哥呀，我有無講錯呢？
其實我都應承左標叔叔啦，不過未派彩，唔算積極，順其自然啦！
美人，係就努力啦！

12:46 下午
匿名 說...

MAGGIE, 美人, 希望您地今鋪一索得女啦, 努力啦.

12:49 下午
匿名 說...

恭喜兩位大姑媽, 亞皇你幾時做埋大姨媽呀?

5:42 下午
匿名 說...

亞june 碧剛剛才轉左新工, 有排都未做大姨媽呀.

10:13 下午
匿名 說...

係喎, 黃金寶您開工未呀, 係就襯下虛啦, 今年好多人有左呀, 亞kevin 8月做老豆啦, 亞jolf 就十月. 今年好膠興呀, 開枝散葉呀.

11:06 下午
匿名 說...

嘩~ 兩日無睇blog, 原來有咁多喜事, 真係恭喜晒各位.

1:37 下午
匿名 說...

未呀!而家諗諗下想縮沙, 因為實在太辛苦.試過有次亞女玩到唔記得痌尿瀨左, 我拿拿林同佢抹身換褲, 搞完一大輪出黎見到攤尿仲響地下, 佢個老豆就依然對眼望住個電視, 隻手拎住杯酒, 真係火都黎埋, 如果再整多件出黎, 佢又乜都唔理, 咁點搞.
乜亞kevin結左婚咩!真係恭喜哂!仲咁快做老豆, 我轉碩就打電話去產jolf架喇, 結婚都唔出聲!

4:07 下午
匿名 說...

個老公吾幫手就真係好慘架.
亞kevin 在大陸結左婚啦, 狀甚幸福呀, 連我同亞金都幸福埋, 仲叫佢千奇吾好申請個老婆落黎香港, 否則我地就吾幸福架啦. 事關無人同我地買'番鹼'. 亞jolf 佢剩係請左亞明, kevin, 亞john.

4:40 下午
匿名 說...

有時呀仔開大，標叔叔都會倒同洗屎筒，because呀仔會不停叫爸爸...all完...爸爸....all完...，叫到佢煩！
ha! 呢招好多時都掂存，只要自己忍得手。

5:30 下午
匿名 說...

唉!至弊我個女痴我多過痴佢呢?有亞婆就痴亞婆, 冇亞婆就痴我, 佢係第三位咋!

11:15 上午

發佈留言

訂閱： 發佈留言 (Atom)