心甜

噚晚返奶奶到睇俊熹，一入門口，俊熹就問我，
俊熹：『媽媽落雨喎，你有無帶遮呀？』
我答：『無呀！今朝無落雨，所以無帶．』
俊熹：『但係而家落雨播，你一陣返四樓要拎遮呀，咪濕晒架啦。』
我答：『哦！知道啦！』
之後食完飯，同佢玩下睇下storybook，臨走比奶佢食既時候，佢就會訓係床同我黎個goodnight kiss同講see you tomorrow，但係佢忽然坐起身叫我拎遮，我答佢話，知啦，把遮嬸嬸拎住啦，我地一齊用呀，佢就話，媽媽你要自己用一把，咪濕晒啦，會病呀，要睇劉醫生呀，自己拎啦！ 咁嬸嬸話我同媽媽拎得啦，典知俊熹直情企起身去拎左把遮比我，係都要我拎住，咁我拎左之後佢就自己上番床同我講，『係啦！咁就得啦，see you tomorrow, good-bye。』仲飛晒吻咁，叔叔見到話佢乜你咁煩架，我就話乜煩呀，我不知幾心甜呀。
真係呀！個心真係好甜好開心。