返黎啦！

星期五feel到開始吾妥，星期六返工都仲頂得住，星期日就真係黎料啦，食完早餐都仲可以去買“送“，買完返屋企真係吾掂，個頭好痛、背脊好痛、個肚好痛、四支無力，但禮拜睇開個醫生無開，老公話去急症室啦，心諗我呢款又吾係即刻死得，閒閒地呆等四五個鐘，最後我選擇食兩粒成藥，訓足一日，俊熹早一晚返奶奶到，我諗我應該係半夜起身睇佢時拎野，佢係屋企時，我通常一晚起身裝佢兩次，Ｅ兩晚佢岩岩好番，我仲裝佢四次潻。

訓足一日一夜，星期一有醫生睇啦，醫生八點半開門，都以經九點打電話去掛號，都排五十八號，一點至有得睇，再打番公司請假，同班主任講我要請假，得黍既答案係，你病呀，睇完醫生下午返得工啦，我話掛左號下午至有得睇，今日返吾到就收線，又爬番上床。
去到診所探熱103度，醫生話高燒喎，肚痛係感冒菌入腸，仲寫左兩日病假比我，返home條路平時行只需十分鐘，今日行左好耐，行極都未到既，終於到屋企啦，食完藥再訓。

今晚（星期一）要去睇下俊熹，事關明晚（星期二）要返學，返吾到奶奶度，今次吾係整餅，係報左學日文，仲伸請埋政府持續進修基金，星期二係第一堂，一定要返。

今朝見個人都ＯＫ，都返左工，最多樣樣都慢動作，而家係公司，其實吾算多野做，一切按schedule，自己控制到，又無突發事件，吾知典解講到好似十萬火急咁，無咁好氣，一陣lunch訓多陣，今晚要比心機上堂。

多謝大家關心，以好番好多啦，不過個人真係好累，大傷完氣。
長氣都要講多句，天氣吾好呀，真係要小心身體呀！