按摩椅墊

星期六係 OTO 買左張按摩椅墊(CM840)，放係梳化上用既，其實我同標叔叔想買張按摩椅好耐，不過實在太大無地方放，所以打消左要買既念頭，但係過年時係日本晚晚有得用，又心養養，典知行過見到Ｅ張按摩椅墊，可以放係梳化上，雖然只按背脊同腰部，無得按腳，但按背脊都好正喎，價幾要兩千四，都OK，咁標叔叔就決定買啦，個Sell屎講解完典用之後，就問我地有無恆生信用咭，因有優惠價，咁即係幾銀呀？
嘩！ 個優惠真係好優惠喎，原價$2484，用恆生咭就$1426，仲可以分12期供，大拿拿相差$1058，我有恆生咭呀，即買呀，返屋企即用，好舒服呀！
大家有興趣可以去門市試下，because係新產品，網上未有得睇。