保障客戶

由於標叔叔既和記生滋電話自舊年12月到家下，一路都無收到月結單，所以一路都無交台費，咁和記就不停send短訊比標叔叔，話以停左佢機，要交番台費同開機費至可以用得番，咁今早我就以陳太身份打去客戶服務部，

為確保服務質素，以下談話內容會錄音：

我：『我姓陳，想知道典解收唔到月結單。』
呀服務主任：『請問閣下係咪機主？
我：『機主唔係香港，我係佢太太。』
呀服務主任：『咁我唔講得比你知，麻煩要機主親自打電話來問至講得。』
我：『機主唔係香港，佢打去你地hotline又係咁聽音樂同錄音，
到聽完又話線路繁忙要佢留低電話號碼，留左你地又唔覆，
咁佢係用漫遊打喎，呢個call 咪好貴。』
呀服務主任：『但都一定要機主親自打電話來問知講得。』
我：『OK! 而家我以經幫機主交左台費同開機費，咁我要比Ｄ咩資料你地至可以開番個電話。』
呀服務主任：『但要機主親自打電話來開台，因為要保障機主。』
我：『即係又要佢再打hotline，又要再用漫遊聽一輪音樂，而家我以經交左錢，有晒收據係手，
只係問你地要比咩資料你地姐（好炆）』
呀服務主任：『咁你可以叫機主打電話來開台時，順便做埋轉名手續，將個acct 轉名比你，咁你就可以問到資料啦。』
我：『（頂） 用佢名開台就梗有佢原因，而家我只係要開機姐，無端端你仲乜要我轉名呀！同埋客戶打電話比你地，你地點證明係咪機主呀？』
呀服務主任：『基本上打電話黍話係機主就可以啦。』
我：『（妖） 咁即係話如果我頭先話我係機主，就以經攪掂晒啦！』
呀服務主任：『基本上係。』
我：『（妖）我叫機主遲Ｄ再打黍。 Bye!』

十分鐘後
我：『我係9xxxxxxx既機主，你地停左我機，而家我交左錢啦，唔該幫我開番機。』
呀服務主任：『麻煩你將客戶號碼同收據右下角既ref. number講我知。』
我：『 客戶號碼xxxxx，ref. number係xxxx。』
呀服務主任：『OK啦！ 四個鐘頭後可用到啦，仲有無其他需要？』
我：『（妖） 無啦！』

以上就係保障客戶既真實個案。