Ocean Park-補番小小相

星期六又同俊熹去Ocean Park啦，我地買左全年票，家下以經有賺，每次我地都有特定既一、兩個目的地集中咁睇，不過就一定會去海洋劇場睇表演，咁就可以去半日多Ｄ，大人細路都無咁累。
今次最主要係去水母館，水母館地方唔算大，應該叫細潻，不過四圍都鑲晒鏡，視覺上都闊落，另外，Ｄ燈光五顏六色，效果好靚，係值得去睇下既。
而每次都會去既海洋劇場，我同標叔叔以經無乜感覺，不過每次俊熹睇既返應都有唔同，所以我地其實係睇俊熹，唔係睇海豚、海獅。
今次無乜影相，因為太晒，又太熱，企定唔行Ｄ汗都係咁標出黎，咩表情都無，等下次無咁晒至影過啦。
有時間既話，大家都去下啦，Ｅ個都係唔錯既親子活動呀！